نصيحة سعدية؟؟؟

سعدية بنت عادية
جات للجامعة من المنوفية
ما تعرف انها حاجة عادية
ان ولد يديها هدية
سهرت سعدية وقالت
دي مش حاجة طبيعية
معقولة بيحبني للدرجة دية
وفرحت جدا بالهدية
دعت سعدية يكون الولد
من نصيبها هي....
وسهرت تفكر فيه
وبمذاكرتها مش مهتمية
وقابلها صاحبنا في يوم
وقالها: ايه رايك في البنت الفلانية؟
وشكر فيها وقال..
دي عمرها ما قبلت هدية
وانسانة محترمة......
ومتربية......
سكتت سعدية وفكرت شوية
وقالت: هو للتعارف في الجامعة هدية؟
كتبت سعدية وحكت لزمايلها
ازاي البنت تكون مشاعرها قوية
ومش اي كلمة يقولها شاب
يكون قاصدها هيّ
ولو قالها كلمة من اللي هيّة
لازم يكون في حسم وجدية
عمري ما دعيت للكُره
ونبذ الحب يا صبية
حبّي بعد ما تلاقي
الكلام بين اهل الصبي والصبية
ومتسبيش نفسك ...
وتكوني هوائية...
اصل الشباب ...
ميحبُّوش الا القوية
وباحترامك يا صبية
تكسبي احترام الناس
وتكوني لغيرك هدية