الانتخابات الانتخابات
مصر فيها انتخابات
اللى يشوف كده يقول
يا ما هنا وياما هناك
سمعت يا بنى عن حزب وطنى
ولا الوفد ولا الغد ولا اخوان
شعارهم الاسلام هو الحل
ومن هنا لحد يوم الانتخابات
تلاقى ناس ماشية فى الشوارع
تطوف تعلن عن مرشح
لا شوفته قبل كده ولا هتشوفه بعد كده
ما هو الناس قالوها فى
الموسم اللى فات
وحتى كما اللى فبل اللى فات
انتخابات ايه وحكايات ايه
عن الصراع على مقعد البرلمان.
ما الحكاية كلها مطبوخة من سنوات
معروف نتيجتها من قبل
ما تعلنها وسائل الاعلانات
حزب واخد 99%
والباقى بيتوزع حسب الاتفاقات
الانتخابات الانتخابات
وقديما قالوا عن الانتخابات
من بره هالله هالله
ومن جوه يعلم الله
منذ قديم الزمان
ومصر عايشة كأنها فعلا
فى موسم انتخابات
واللى يضحك انهم
صدقوا نفسهم
انهم فازوا باكتساح
عن ديمقراطية ورغبة شعب غير متاح
بيدور على رغيف عيش او حتى حتة قماش
فى موسم الانتخابات
شعب ما صوتش غير على حظه
وايام زمان زمااااااااااااان
صوتوا فى جنازة ماتت
فيها ارادته واى تغيير متاح
الانتخابات الانتخابات
قالوا من أجلك أنت
وقالوا شعارهم الاسلام هو الحل
وقالوا خليك ناصرى
وقالوا دور على الغد
قالوا خليك وفد
ما الوفد طول عمره قريب من الشعب
مصر فيها انتخابات
نكتة دى ولا كاريكاتور تعبان
قالوا الحزب الوطنى هو نبض الشعب
يبقى الشعب غبى ويبستاهل الضرب
قالوا خليك مع المعارضة
هتكون كسبان
معارضة صورية والكل بيلهث عطشان
ورا مقعد فى البرلمان
لا يهمه مصلحة بلده ولا حتى فقير جعان
والرئيس الامريكى ما صدق هو كمان
قال نحشر منخرنا ، دى فرصة متاحة
والضرب كله تحت الحزام
وقال للنظام فين الشفافية
وحقوق الانسان
لازم نبعت لكم لجنة دولية
تشرف على الانتخابات
وهيا لجنة جاية ومتحضرة من زمان
مش علشان تشرف على انتخابات
لأ، علشان تقول مصر فيها بلاوى
وخد من المتنقى كمان
ولابد من وصاية دولية
من مجلس الامن وحقوق الانسان
ومن هنا تبدأ الحكايات
ويتنصب لمصر الافخاخ
ونكون زى العراق وأفعانستان
وبكرة نعمل استفتاء زى جارتنا السودان
قالوا مصر فيها انتخابات
قالوا مصر فيها نتخابات
0 Comments
